Üç saatlıq gecikməyə görə kompensasiya – Əl yükü pulsuz olacaq

Avropa Parlamenti uzun müddətdir müzakirə edilən hava limanı sərnişinlərinin hüquqları ilə bağlı qanunu 633 lehinə, 15 əleyhinə olmaqla qəbul edib.

Bakupost.az Avropa KİV-inə istinadən xəbər verir ki, yeni qaydalara əsasən uçuşların üç saat gecikməsi halında aviaşirkətlər sərnişinlərə 300-600 avroluq kompensasiya ödəyəcək, həmçinin kiçik əl yükü (40×30×15 sm, ümumi ölçüsü 100 sm və çəkisi 7 kq-a qədər olan) üçün ödəniş alınmayacaq.

Sərnişinlərin müsbət qarşıladığı qərarı tənqid edən aviaşirkətlər yeni qaydalar səbəbindən bilet qiymətlərinin kəskin bahalaşacağını bildiriblər.

Sənədin qüvvəyə minməsi üçün Avropa Birliyi ölkələrinin razılığı tələb olunur.

Cavid, BakuPost