Yataraq pul qazanacaqlar - “Yuxu tanrısı” seçilir

Bakupost.az Qafqazinfo-ya istinadən xəbər verir ki, açıq havada yuxu yarışması sosial mediada qızğın müzakirələrə səbəb olub.

İştirakçılardan təbii olaraq oyanana qədər 24 saata qədər yatmaq tələb olunur.

Tədbirin təşkilatçısı “Shanghai Chongming”dir. Qalib 430 dollar məbləğində mükafat alacaq və o, artıq iştirakçılar və internet istifadəçiləri tərəfindən “Yuxu tanrısı” adlandırılıb.

Təşkilatçıların sözlərinə görə, tədbirə maraq gözləntiləri xeyli üstələyib. Qeydiyyat açılandan bəri 100-dən çox müraciət daxil olub və martın 21-nə təyin edilmiş ilk sessiya artıq tam doludur. Növbəti tarix - 28 mart üçün yerlər də demək olar ki, doludur.

Müsabiqə sosial şəbəkələrdə aktiv şəkildə müzakirə olunur və bir çoxları bunu yumoristik şəkildə “yataraq pul qazanmağın asan yolu” adlandırırlar. Bununla belə, təşkilatçılar vurğulayırlar ki, tədbirin məqsədi açıq havada istirahəti və yuxuya diqqətli yanaşmanı təbliğ etməkdir.