ABŞ-Belarus arasındakı buzlar əriyir – Lukaşenkonun Ağ Evə səfəri gözlənilir

Bakupost.az xəbər verir ki, o, bu barədə “Financial Times” qəzetinə müsahibəsində danışıb. Koulun sözlərinə görə, mümkün görüş Ağ Ev və ya Trampın Floridadakı Mar-a-Laqo iqamətgahında baş tuta bilər.

Açıqlama ABŞ nümayəndəsinin Minskdə Lukaşenko ilə keçirdiyi son görüşdən sonra səsləndirilib. Danışıqların nəticəsi olaraq Belarus hakimiyyəti 250 siyasi məhbusun azad edildiyini elan edib. Azad olunanların bir hissəsinin ölkədən çıxarıldığı bildirilir.

Eyni zamanda Vaşinqton Belarusun bəzi maliyyə institutlarına qarşı tətbiq etdiyi sanksiyaların qismən yumşaldıldığını açıqlayıb. Bu qərarın bir sıra bankları, Maliyyə Nazirliyini və kalium sənayesi ilə bağlı şirkətləri əhatə etdiyi qeyd olunur.

Müşahidəçilər hesab edir ki, məhbusların kütləvi şəkildə azad edilməsi və sanksiyaların yumşaldılması Belarusla ABŞ arasında münasibətlərin qismən normallaşmasına yönəlmiş addımlar kimi qiymətləndirilə bilər. Ehtimal olunan səfər isə rəsmi Minsklə Vaşinqton arasında son illərdə yaranmış gərginliyin azaldılması istiqamətində mühüm diplomatik siqnal kimi dəyərləndirilir.