Ru
12:44 / 02 Aprel 2024

ABŞ-də quş qripi aşkarlandı

1779
ABŞ-də 1 nəfərdə quş qripi aşkarlanıb.

Bakupost.az xəbər verir ki, bu barədə Texas ştatının Səhiyyə Xidmətləri Departamenti açıqlayıb.

“Xəstə quş qripinə yoluxduğu güman edilən inəklərlə təmasda olduqdan sonra pisləşib. Bu, ABŞ-də bir insanda aşkar edilən ikinci quş qripi hadisəsidir”, deyə bildirilir.

Səlahiyyətlilər keçən həftə Texas və Kanzas ştatlarında inəklərdə quş qripinin aşkar edildiyini açıqlayıblar.

Açıqlamada insanlara yoluxma riskinin az olduğu, virusa yoluxmuş inəklərin karantinə alınaraq iki-üç həftə ərzində sağalacağı bildirilib.

ABŞ Xəstəliklərə Nəzarət və Qarşısının Alınması Mərkəzləri (CDC) ölkədə aşkarlanan ilk hadisənin 2022-ci ildə Kolorado ştatında olduğunu açıqlayıb.

H5N1 quş qripinin yaratdığı insan xəstəlikləri yüngül (göz infeksiyası, yuxarı tənəffüs yollarının simptomları) ilə ölümlə nəticələnən ağır xəstəliyə (sətəlcəm) qədər dəyişir.


Aygün
BakuPost

Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin






Son xəbərlər
Çox oxunanlar
Son xəbərlər