Azərbaycanda qadın qardaşının məzarında özünü bıçaqladı

Bakupost.az Lent.az -a istinadla xəbər verir ki, hadisə Qobuqıraq kənd qəbiristanlığında qeydə alınıb. G.Zeynalova həmin qəbiristanlığa gələrək burada dəfn olunan qardaşının məzarı üstündə qarnına beş bıçaq zərbəsi vuraraq, özünə xəsarətlər yetirib.

Məlumata görə, G.Zeynalovanın qardaşı bir neçə gün əvvəl yol-nəqliyyat hadisəsi zamanı dünyasını dəyişib. Qadın qardaşının ölümü ilə barışa bilməyib və onun məzarı başında özünü öldürmək istəyib.

Faktla bağlı rayon prokurorluğunda araşdırma aparılır.