Erməni müxalifəti baş nazir postunda kimi görür? - Qalstanyan açıqladı

“Amma mitinqdə xalqın tələbi başqa cür oldu və mən başqa bir məsələ haqda danışa bilməzdim. Mən sadəcə olaraq xalqın tələbini formalaşdırdım və səsləndirdim", - o vurğulayıb.

"Ölkə elə bir kritik nöqtəyə çatıb ki, daha da irəli gedə bilmərik. Ermənistan parçalanmış, təminatsız, heç bir daxili və xarici təhlükəsizliyi olmayan vəziyyətdədir və o, sadəcə bir torpaq parçasına, əraziyə çevriləcək. Düşünmürəm ki, insanlar belə bir ölkədə yaşamaq istəyəcək. Söhbət indiki mərhələdə fəlakətin qarşısının alınmasından gedir. Baş verənlərə görə bütün məsuliyyət səlahiyyətlilərin üzərinə düşür. Onlar dağılma prosesini dayandırmaq üçün bütün vasitələrə əl atmalıdırlar. Ona görə də bu insanlar getməlidirlər”.

“Bizim işimiz indiyədək siyasi proses olmayıb. İndisə fikrimizcə, hər şey siyasi xadimlərin məsləhətləşmələrinin nəticələrinə əsasən planlaşdırılmalıdır. Dünən proseslərin necə gedəcəyini anlamaq üçün parlament üzvləri ilə görüşməyə çalışdıq. Onlar prosesi davam etdirmək və qanuni yolla başa çatdırmağa çalışmağa hazırdırlar. O zaman baş nazirliyə namizəd lazım olacaq. Yəqin ki, o zaman hər çey açıqlanacaq".

"İndi xalqın oyanış mərhələsidir. Bu gün, sabah, o biri gün əməli addımlar atılacaq. Yeni baş nazirin adı ilə bağlı hələlik razılaşma yoxdur. Parlament fraksiyaları müzakirə, müəyyən məsləhətləşmələr aparacaq, bütün siyasi qüvvələr bu şəxsin ətrafında birləşəcək və onun kim olduğu açıqlanacaq”.