Gəlin, Binəqədini ərəblərə sataq: “Onsuz da buranın yiyəsi yoxdur” - VİDEO

Bakupost.az-a müraciət edən qəsəbə sakinləri bildiriblər ki, əsas meydanda kanalizasiya xətlərinin pozulması nəticəsində çirkab suları küçələrə axır. Beləcə həm hərəkət çətinləşir, həm də ətrafa kəskin üfunət qoxusu yayılır.

“Bura qəsəbənin mərkəzidir. İllərdir bu vəziyyət davam edir, yol heç vaxt qurumur. Kanalizasiya suları küçələrə axır, əraziyə ağır qoxu yayılır. Məscidə gedən yol da bu vəziyyətdədir. Avtobuslar və avtomobillər keçərkən çirkab sular insanların üzərinə sıçrayır. Bütün lyuklar daşır, vəziyyət çox acınacaqlıdır”.

“Dövlət Su Ehtiyatları Agentliyi, kanalizasiya sistemlərinə cavabdeh qurumlar, bələdiyyə, icra... kimsə buna artıq “yox” deməlidir. Bura hansısa ucqar kənd deyil, millətin “Bakı, Bakı!” deyib axışmaq istədiyi yerdir. Bütün lyuklar daşır. Hansı qurum cavabdehdirsə, gəlsin, yiyəlik etsin. Belə olmaz. Bura mərkəzdir. Mən heç hansısa dar və ya iç məhəllədən belə danışmıram. Bura qəsəbənin simasıdır. Sahibi varsa, gəlib bura yiyəlik etsin. Yoxdursa, sataq buraları ərəbə, hindusa… Kanalizasiya suları sel, çay kimidir...”.