İsrailin Qəzzaya hava hücumu: 14 fələstinli öldü

Bakupost.az xəbər verir ki, Fələstinin rəsmi xəbər agentliyi WAFA-da yer alan məlumatda, İsrail döyüş təyyarələrinin Qəzza zolağının mərkəz hissəsindəki Nuseyrat Qaçqınlar Düşərgəsində 3 mərtəbəli evi bombaladığı bildirilib.

Hava hücumu nəticəsində aralarında uşaqların da olduğu 14 mülki vətəndaş ölüb, onlarla insan yaralanıb.

Xəbərdə İsrail ordusunun Qəzza zolağının şimalındakı Beyt Lahya şəhərini artilleriya atəşi ilə hədəfə aldığı vurğulanıb və şimalda Cibaliya Qaçqınlar Düşərgəsinə qarşı artilleriya atəşinin gecə boyu davam etdiyi paylaşılıb.

İsrailin 7 oktyabrdan bəri Qəzza zolağına təşkil etdiyi hücumlarda ən az 14 min 944-ü uşaq, 9 min 849-u qadın olmaqla 35 min 91 fələstinli həyatını itirib, 78 min 827 nəfər isə yaralanıb.