Qəzzada ölənlərin sayı 34 min 654-ə çatdı

Qəzza zolağında can itkisi son 24 saatda 32 nəfər artaraq 34 min 654 nəfərə çatıb.

Bakupost.az xəbər verir ki, bu barədə Fələstin Səhiyyə Nazirliyi açıqlama verib.

İsrail ordusunun Qəzza zolağına son 24 saatda həyata keçirdiyi hücumlarda daha 32 fələstinlinin həyatını itirdiyi, 41 fələstinlinin isə yaralandığı bildirilib.

İsrailin Qəzza zolağına 211 gündür təşkil etdiyi hücumlarda ölənlərin sayının 34 min 654-ə, yaralı sayının isə 77 min 908-ə yüksəldiyi qeyd edilib.

Açıqlamada dağıntılar altında və yol kənarında ölənlərin olduğu, lakin İsrail əsgərlərinin maneəsi üzündən tibb qrupları və mülki müdafiə səlahiyyətlilərinin cəsədlərə çata bilmədiyi də təkrarlanıb.