“Bitcoin”də sərt eniş

Kriptovalyuta bazarı Bazar ertəsi günü kəskin ucuzlaşıb.

Bakupost.az “Bloomberg”ə istinadən xəbər verir ki, “Bitcoin” Asiya bazarlarında səhər tezdən 5,1%-ə qədər geriləyərək 87 min dolların altına düşüb. “Ether” 6%-dən çox ucuzlayaraq 2.900 dollar səviyyəsinin aşağısına enib. “Solana”da da eniş 7%-i ötüb və bazarın böyük hissəsində oxşar mənzərə müşahidə olunub.

Kriptobazar oktyabrın əvvəlində “Bitcoin”in tarixinin ən yüksək göstəricisi olan 126.251 dollara çatmasından cəmi bir neçə gün sonra təxminən 19 milyard dollarlıq itki yaşadı. Həmin gündən başlayan və həftələrlə davam edən satış fonunda onsuz da həssas vəziyyətdə idi.

“Bitcoin” ötən ay 16,7% dəyər itirsə də, satış təzyiqinin zəifləməsi ilə ötən həftə toparlanaraq yenidən 90 min dolların üzərinə qayıtmışdı.

Lakin bu gün müşahidə edilən yeni satış dalğasından sonra investorlar daha dərin enişlərə hazırlaşırlar.

Ekspertlər düşünür ki, “Sərt ucuzlaşma ilə başlayan dekabrda kritik səviyyə 80 min dollar müəyyən olunub”.

Cavid, BakuPost