İsrail ordusu Beyrutda "Əl-Qard əl-Həsən" maliyyə təşkilatının filiallarına zərbələr endirib.
Bakupost.az xəbər verir ki, bu barədə İsrail Müdafiə Qüvvələrinin (SAXAL) mətbuat xidmətindən məlumat verib.
"Beyrutda "Əl-Qard əl-Həsən" təşkilatının filiallarına və "Hizbullah"ın digər əhəmiyyətli maliyyə aktivlərinə zərbə endirilib", - deyə SAXAL bəyan edib.
İsrail ordusunun məlumatına görə, endirilən zərbələr təşkilatın fəaliyyətini tamamilə pozub və "Hizbullah"a əhəmiyyətli dərəcədə maddi ziyan vurub.