Tramp Rusiyaya qarşı sərt qərar verdi: Putinlə gərginlik yaşanır?

Bakupost.az xəbər verir ki, bu sözləri politoloq Kamran Cəfərov qeyd edib.

O bildirib ki, qanun layihəsinin Konqresdə müzakirəyə çıxarılmasına ən çox noyabr ayında yaxın olmuşduq:

“Həmin vaxt Qrem və Tramp bu qanun layihəsindən Rusiyaya təzyiq aləti kimi istifadə edirdilər. Daha sonra Uitkoff Moskvaya getdi və Tramp Putinin razılaşmaya razılıq verəcəyinə ümid etdiyi üçün qanun layihəsini gözlətməyi əmr etdi.

Amma bu gün biz yenidən Trampın Rusiyaya münasibətdə daha sərt xəttə keçdiyini müşahidə edirik. Zaman gedir, amma razılaşma yoxdur və Rusiya konstruktiv yanaşma nümayiş etdirmir.

Avropa, Ukrayna və ABŞ Trampın 20 maddəlik planını tam şəkildə razılaşdırıb imzaladıqdan sonra növbə Trampın Putini buna inandırmasına çatır və bu yük artıq Trampın çiynində olacaq.

Zelenskinin Floridaya son səfərindən sonra Putin gördü ki, plan üzərində iş çox yaxşı gedir və danışıqlar prosesini pozmaq üçün köhnə üsula əl atdı (guya Ukraynanın onun iqamətgahını atəşə tutması). Amma bu addımla Putin özü öz ayağına güllə buraxdı.

Bundan sonra ABŞ-ın əməliyyatı nəticəsində Maduro ələ keçirildi. Ardınca ABŞ Rusiyanın "kölgə donanmasına" məxsus tankeri həbs etdi.

Məhz bu iki hadisə, “bəs nə dəyişib ki, bu dəfə qanun layihəsi ilə bağlı nəsə fərqli olacaq?” deyənlərə cavabdır”.