Ağır iş, maddi çətinliklər, stress... - İnsanları daha nələr aqressivləşdirir?

Mövzu ilə bağlı Bakupost.az -a danışan psixoloq Vəfa Əkbər bildirib ki, mümkün qədər artıq uzun olması insanlarda aqressivlik yaradır:

"Əgər təməl təlabatlar ödənmirsə, bu, aqressiya yaradır. Belə olduqda, insan həmişə gərgin, narahat olur, elə düşünür ki, hər kəs onun haqqına girir. Nifrət hissi isə aqressiyanın yaranmasına səbəb olan amillərdən biridir. İnsan nifrət etdiyi fərdlərlə daim ünsiyyətdə olanda, məcburiyyət qarşısında qalıb istəmədiyi işlə məşğul olanda aqressivləşir. Sevgisizlik, yaxınları və ətrafında olan insanlardan soyuq, kobud münasibət görən, istənməyən insanlar da aqressiv olur. Hər insan aqressiyasını müxtəlif cür büruzə verir. Bəzi insanlar daxilindəki aqressiyanı, əsəbi gizlədə, özünü idarə edə bilir, yəni susmağı bacarır. Ətrafındakı insanları incitmir, daxilindəki aqressiya ilə ancaq özünə zərər verir. Amma bəzi insanlar daxilindəki aqressiyanı gizlədə bilmir, ətrafa ötürür. Ətrafındakı insanlarla kobud davranır, səbəbsiz yerə dava salır, dalaşır, hətta qətl belə törədir”.

V.Əkbərin sözlərinə görə, əsəb, stress yaradan insanlar və ortamdan mümkün qədər uzaq durmaq lazımdır:

BakuPost