Ru
14:31 / 07 Mart 2023

"Azərbaycanı məhv etmək üçün böyük layihələr qurublar" - Sabir Rüstəmxanlı - VİDEO

17453
"Azərbaycan tarixi haqqında çox danışmalıyıq. Əvvəl öyrənməliyik, sonra danışmalıyıq. Çünki Azərbaycan tarixinə qarşı bir soyqırımı həyata keçirilib".


Bakupost.az xəbər verir ki, Vətəndaş Həmrəyliyi Partiyasının sədri, millət vəkili Sabir Rüstəmxanlı belə düşünür.


Onun sözlərinə görə, yalnız Azərbaycan xalqına deyil, onun tarixinə də qəsd olunub:

"Ötən əsrin 20-30-cu illərində Azərbaycanda Kommunist Partiyasına başçılıq edən adamların adlarını xatırladıram: Kaminski, Kirov, Mirzoyan, Gikalo, Polonski, Mkrtçyan və s. Bunlar Stalin siyasətini Azərbaycanda həyata keçirərək bu millətin övladlarını din xadimləri adına, "Müsavat"ı müdafiə edən insanlar adına kütləvi surətdə Sibirə, Qazaxıstana sürgün etməklə kifayətlənməyib, həm də bu millətin mənəvi dəyərlərini yox etmək üçün böyük layihələr qurublar. Milləti inandıraraq onu öz kökündən ayırıblar. Təsəvvür edin, Güneydə Azərbaycanın böyük bir hissəsi qala-qala buranı ayrıca bir xalq, ayrıca bir dövlət, ayrıca bir mədəniyyətin varisi kimi dünyaya təqdim ediblər".


S.Rüstəmxanlı bildirib ki, həmin illərdə Kommunist Partiyası Azərbaycanda türk kimliyini unutdurub, yeni bir "azərbaycanlı" termini yaradıb:

"Biz 60-70-ci illərdə deyirdik ki, Azərbaycanı öz dünyasından ayırıblar, məktəblərdə yalnız Azərbaycan Sovet Sosialist Respublikasının tarixini, ədəbiyyatını, dilini, coğrafiyasını öyrətmək yanlışdır. Bu yolla biz millətimizi təqdim edə, uşaqlarımıza tariximizi, folklorumuzu, kökümüzü öyrədə bilmərik. Baxmayaraq ki, hazırda biz müstəqilik, amma tarix kitablarımızı yazanların bəziləri sovet dövrü psixologiyası və vərdişlərindən qopa bilmirlər. Hələ bu barədə bəzi yeni kitablar da yazılır. Yenə də köhnə İran, Hind-Avropa təsirləri, kökümüzü aparıb ora bağlamaq meyilləri qalıb. Halbuki Azərbaycan böyük Türk dünyasının bir parçasıdır".


S.Rüstəmxanlının fikrincə, Türk Dövlətləri Təşkilatının yaradılması əslində tarix yaddaşımızın bərpasıdır:


"Bu xalqlar öz tarix və mədəniyyətlərinə sahib çıxmalıdırlar. Bu gün onlara əl uzadan, dil uzadan, onları öz təsiri altında saxlamaq istəyənlər qarşısında öz güclərini ortaya qoymağı bacarmalıdır. Bu, savaş deyil, radikal yanaşma deyil. Bu, sadəcə olaraq, tarixə obyektiv yanaşmadır. Tariximizə təkcə başqaları yox, təəssüf ki, özümüz də obyektiv baxa bilməmişik. Düşünürəm ki, biz həm Azərbaycan tarixinə, həm ölkəmizdə yaşayan xalqların tarixinə, həm də dünyadakı türklərin tarixinə imkan daxilində daha gur işıq salmalıyıq".

Millət vəkilinin Azərbaycan tarixinin öyrənilməsi və təbliği ilə bağlı fikirləri "Sabir Rüstəmxanlı söhbətləri"ndə:


Zaur
BakuPost

Şərhlər
  • t.ədalət

    Azərbaycanın məhvini planlaşdıran yeganə ölkə Rusiyadır.Son üç yüz ilin tarixi göstərir ki, Türkiyənin Qafqazdakı yeganə istinadgahı olan Azərbaycanı xəritədən silmək üçün rusların etmədiyi heç nə qalmayıb.Çox təəssüf ki Azərbaycanı məhv etmək üçün Rusiya etnik azlıqların da xəyanətindən istifadə edir.Bu gün Moskvanın tələbi ilə vəzifələrə pərçimlənən rus dilli və erməni bulaşığı olan etniklər cəbhədəki ermənilərdən də təhlükəlidir.Ancaq,onlar bilmir ki,Rusiyaya onlar müvəqqəti lazımdır.Milli kimliyimizin ölkədə qadağan olması da Rusiya tərəfindən məhvedici planın tərkib hissəsidir. Azərbaycanda yaşayan xalqları zorla "azərbaycanlı" və "azəri" kimi qələmə vermək,bəlkə də 20 Yanvar qətliamından da dəhşətlidir.Bir tərəfdə ermənilərin adı altında ərazilərimizi işğal edən,balalarımızı şəhid edən Rusiyanın törətdiyi cinayətlərlə üz-üzə qalırıq,digər tərəfdə pox iyi verən,süfrənin başında osuruq atıb hırıldayan vəhşi rusun dilini zorla əhaliyə sırıyırıq.Rus dilinin tədrisi dayanmayınca,Azərbaycanın müstəqilliyi təhlükə altında qalacaq.Rusiya,əslində ermənini də istəmir.Cəbhə xəttində,həm bizi,həm də onları öldürməklə müstəmləkə əleyhinə mübarizə apara biləcək qüvvələri məhv edir.Təəssüf ki aramızda " rus dili ilə dünya miqyasına cıxacaq" Elman Nəsirov kimi deputatlar var və onlar hələ də rahat şəkildə Rusiyaya xidmət edirlər..

↻
Seçilmiş Zəngimcell

Axırıncı aşırım - Abbasqulu bəyin nazıyla...

      

8003
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin






Son xəbərlər
Çox oxunanlar
Son xəbərlər