Ru
12:07 / 12 Sentyabr 2023

Bu ölkə 2016-cı ili qeyd edir - Günəş təqvimi nədir?

23323
Öz təqvimindən istifadə edən Şərqi Afrika ölkəsi Efiopiya günəş əsaslı Efiopiya təqviminə görə bu gün 2016-cı ilə qədəm qoyub.

Bakupost.az xəbər verir ki, Efiopiya yeni ili hər il sentyabrın 11 və ya 12-də qarşılayır.

120 milyon əhalisi olan ölkə bu gün 2016-cı ilə salam deyib.

Baş nazir Abiy Əhməd təbrik mesajında keçən il bir çox çətinliklərin öhdəsindən gəldiklərini ifadə edərək, yeni ildə bütün efiopiyalılara xoşbəxtlik arzulayıb.

Hökumət həmçinin ölkənin ən böyük iqtisadi layihələrindən biri olan Hedasi bəndinin doldurulmasını yeni ilin başlanğıcına uyğunlaşdırıb.

“Enkutataş” kimi tanınan ilin ilk günü yağışlı mövsümün sonu və məhsul yığım mövsümünün başlanğıcı hesab olunur.

Rəsmi işlərdə günəş təqvimi istifadə olunur

Miladi təqvimindən təxminən 7 il 8 ay geri qalan və Günəşə əsaslanan Efiopiya təqvimi dini təqvimdir və Efiopiya Federal Demokratik Respublikası tərəfindən bütün rəsmi işlərdə istifadə olunur.

Fərqli vaxt sistemindən də istifadə edən Efiopiyada gün 00:00-da deyil, saat 06:00-da başlayır. Gün iki fərqli 12 saatlıq seqmentdən ibarət olsa da, birinci saat qurşağı 06.00-da, ikinci zona isə 18.00-da başlayır.

Efiopiya təqvimində 12 ay 30 gündən ibarət olduğu halda, təqvimdə 12-ci aydan sonra 5-6 gündən ibarət 13-cü ay var. Bu təqvimə görə yeni ilə sentyabrın 11-i və ya 12-si daxil olur.


Aygün
BakuPost
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin







Son xəbərlər
Çox oxunanlar
Son xəbərlər