Ermənistanın paytaxtında atışma: Kriminal avtoritet öldürüldü

Bakupost.az Ermənistan mediasına istinadla xəbər verir ki, təxminən yarım saat əvvəl İrəvanın Ajapnyak rayonunda güllə səsləri eşidilib.

“Faz” ləqəbli kriminal avtoritet Sergey Qriqoryanın olduğu avtomobil atəşə tutulub.

Sakinlərin sözlərinə görə, onlar avtomobildən açılan avtomat atəşinin səsini eşidiblər.

Hadisə yerinə polis qrupları cəlb olunub. Ərazidə içərisində qan izləri olan “Toyota Land Cruiser” aşkar olunub.

Bildirilir ki, atışma nəticəsində kriminal avtoritet öldürülüb.