"Nikolu deyil, dövləti xilas etməliyik" - İrəvanda gərginlik artır

Bakupost.az xəbər verir ki, müxalifətçi deputat İşxan Saqatelyan bu gün Ermənistan parlamentində daha bir qızışdırıcı bəyanat verib.

“Sərhəddə və ölkə daxilində vəziyyət son dərəcə gərgindir. Vəziyyəti sabitləşdirmək və ağıllı qərarlarla ən pis ssenarilərdən qaçmaq üçün bir neçə saatımız var. Sabah çox gec ola bilər. Bir gün əvvəl Paşinyan açıq mətnlə onun danışıqlar konsepsiyasının nəticə vermədiyini bildirdi, uğursuzluğu qəbul etdi və etiraf etdi ki, əslində, daha nə edəcəyi barədə fikri yoxdur. Görünən odur ki, danışıqların məzmunu pozulub və bundan sonra nə edəcəyini bilməyən şəxsin bu tarixi məqamda ölkəyə rəhbərlik və dövləti təmsil etməsi mümkün deyil”.

“Bunu indi etməliyik. Bu vəziyyətdə heç bir ağıllı insan ölkədə qeyri-sabitlik və idarəolunmaz proseslər arzulaya bilməz. Siyasi qüvvə olaraq əsas tələbi dəyişməyin vaxtıdır. İndi Nikolu deyil, dövləti xilas etməyin vaxtıdır”.