15:42 / 14 Oktyabr 2024

Nobel alan erməni əsilli türkiyəli alim kimdir? - DOSYE

5730

Xəbər verdiyimiz kimi, İqtisadiyyat elmləri üzrə 2024-cü il Nobel mükafatını Daron Acemoğlu, Saymon Conson və Ceyms Robinson "instituların necə formalaşdığı və onların rifah halına necə təsir etdiyi ilə bağlı araşdırmalarına görə" alıblar.

Bakupost.az erməni əsilli türkiiyəli alim Daron Acemoğlu haqda məlumatı təqdim edir:

Daron Acemoğlu 1967-ci ildə İstanbulda anadan olub. O, erməni əsillidir. Atası vəkil Kevork Acemoğludur, . İbtidai təhsilini İstanbulda erməni məktəbində alıb. 1986-cı ildə Qalatasaray Liseyini bitirmişdir.

Acemoğlu 1993-cü ildən Massaçusets Texnologiya İnstitutunda (MIT) akademik karyerasını davam etdirib. 2000-ci ildə iqtisadiyyat professoru adını alıb. O, siyasi iqtisadiyyat, iqtisadi inkişaf, iqtisadi artım, gəlir və əmək haqqı bərabərsizliyi, əmək iqtisadiyyatı, iqtisadi nəzəriyyə, insan kapitalı və təhsil üzrə tədqiqatlar aparıb.

Onun politoloq Ceyms A. Robinsonla birgə yazdığı “Diktatura və demokratiyanın iqtisadi mənşəyi” (2006) və “Millətlərin süqutu: Gücün, rifahın və yoxsulluğun mənşəyi” (2012) adlı əsərləri çoxsaylı mükafatlara layiq görülüb.

IDEAS/RePEc tədqiqat məlumat bazasına görə, 2021-ci ilə kimi o, dünyanın ən çox istinad edilən 10 iqtisadçısından biridir.

O, İngiltərənin York Universitetində Riyazi İqtisadiyyat və Ekonometriya üzrə bakalavr dərəcəsini (1989); London İqtisadiyyat Məktəbində magistr (1990) və PhD (1992) dərəcələrini almışdır.

2005-ci ildə iqtisadiyyat elminə ən böyük töhfə verən 40 yaşından aşağı alimə iki ildən bir verilən Con Beyts Klark medalı ilə təltif edilib.

O, Utrext, Bilkent, Bath, Boğaziçi və Afina universitetlərində fəxri doktor adına layiq görülüb. Acemoğluna 2019-cu ildə MİT tərəfindən “İnstitut professoru”, 2021-ci ildə isə Britaniya Akademiyası tərəfindən fəxri üzv adı verilmişdir.

Daron Acemoğlu Orhan Pamuk və Aziz Sancardan sonra Nobelin sahibi olan 3-cü Türkiyə vətəndaşıdır.

Acemoğlu oyun və optimallaşdırma nəzəriyyəsi ilə bağlı araşdırmaları ilə tanınan, Turqut Özal hökumətində nazir omuş İsmail Özdağların qızı Asuman Özdağlar ilə evlidir və cütlüyün Arda və Aras adlı iki oğlu var.

Cavidan, Bakupost

Şərhlər

Bizi telegram-da izləyin

Bizi facebook-da izləyin

Bizi tiktok-da izləyin

Bizi youtube-da izləyin

Son xəbərlər

Çox oxunanlar

Son xəbərlər