Ötən gün Zaqatalada qardaşı tərəfindən güllələnərək öldürülən Natavan Əhmədovanın görüntüləri yayılıb.
Qeyd edək ki, qətlə yetirilən Natavan Əhmədova Yuxarı Tala kənd 2 saylı orta məktəbdə müəllim işləyib.
Hadisəni törədən Nurlan Əsgərov narkotik istifadəçisi olub və əvvəllər məhkumluq həyatı yaşayıb. Hazırda da onun üzərində məhkumluq var imiş və elektron qolbaq daşıyırmış.
Nurlan Əsgərov ilkin ifadəsində hadisəni qısqanclıq zəminində törətdiyini bildirsə də, Nətəvan Əhmədovanı tanıyanlar onun ziyalı və tərbiyəli bir qadın olduğunu bildirir, qardaşının dediklərini rədd edirlər.
Qeyd olunur ki, Nurlan Əsgərov əvvəllər psixoloji xəstəlikdən də müalicə alıb.
Faktla bağlı Zaqatala rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq istintaq aparılır. Nurlan Əsgərov iş üzrə şübhəli şəxs qismində tutulub.
Bakupost.az Natavan Əhmədovanın fotolarını təqdim edir: