Mixail Saakaşvilinin başına bir iş gəlsə, bu, Gürcüstanda çox böyük təlatümlərə səbəb olacaq.
Bunu
Bakupost.az -a
sabiq dövlət müşaviri, politoloq Qabil Hüseynli Saakaşvilinin dəhşətli vəziyyətini əks etdirən görüntülərdən danışarkən deyib.
Onun sözlərinə görə, hazırda Gürcüstanda ciddi polis sistemi var, müxalif partiyalar isə zəifdir. Ona görə də xalqın köməyi ilə onu azad etmək demək olar ki, imkansızdır.
Politoloq qeyd edib ki, Saakaşvilinin həm bədəni zəhərlənir, həm lazımi tibbi yardım göstərilmir: “Üstəlik onun müalicəsi Gürcüstanda mümkün deyil. Mütləq tam ağırlaşmadan Avropa ölkələrində özəl xəstəxanalara göndərilməlidir”.
Dünya ölkələrinin çağırışlarına baxmayaraq, həbsdən azad olunmamasının səbəbini Rusiyada axtaran Qabil Hüseynli bunu bəşəriyyətə qarşı böyük cinayət olduğunu deyib:
“Saakaşvilinin vəziyyəti doğrudan da ağırdır. O, hər ana ölə bilər. Fikrimcə, sərvətini Rusiyada toplamış, Rusiya siyasi dairələri ilə ciddi əlaqəsi olan İvanişvili Rusiyanın sifarişi ilə onun həbsdən azad edilməsinə mane olur. Saakaşvili hətta vəsiyyət də edib və dəfn yeri kimi Ukraynanın seçilməsini göstərib. Bu, həqiqətən də ürəkağrıdıcı bir hadisədir. Müasir dünyanın tanınmış siyasilərindən biri olan, öz ölkəsində xeyli işlər görmüş bir adamın əsassız iddialarla həbsdə saxlanılması, onun ölümə məhkum edilməsi sözün əsl mənasında bəşəriyyətə qarşı böyük cinayətlərdən biridir.
Əfsanə Rəcəb
BakuPost
Həmçinin oxuyun:
Грузины неужели вы только воров законе стругайте,президента не вашего ума дела ,президента которого европейского жизнья вам даль что вы с парнем делаете,одумайтесь !!!!!!!!!!