“Azərbaycan Nəşriyyatı” pulsuz qaldı – Özəlləşdirilib söküləcək?

Lakin Nazirlər Kabineti 1923-cü ildən fəaliyyət göstərən bu qurumla bağlı fərqli qərar qəbul etdi. Belə ki, Baş nazir Əli Əsədov 2022-ci il yanvarın 15-də “Vahid büdcə təsnifatının təsdiq edilməsi haqqında” 11 oktyabr 2018-ci il tarixli qərara dəyişiklik edib. Qərara əsasən, “Azərbaycan Nəşriyyatı”nın təşkilati-hüquqi forması dəyişdirilərək kommersiya qurumuna çevrilib və 4 milyon 79 min manat nizamnamə kapitalı ilə dövlət qeydiyyatına alınıb.

Dövlət Vergi Xidməti tərəfindən “Azərbaycan Nəşriyyatı” MMC Prezidentin İşlər İdarəsinin tabeliyində dövlət qeydiyyatına alınıb. “Azərbaycan Nəşriyyatı” MMC dövlət büdcəsindən ayrılan vəsaitlər hesabına maliyyələşir. Belə ki, 2024-cü ildə quruma 2 milyon 352 min 890 manat, 2025-ci ildə isə 2 milyon 228 min 290 manat məbləğində vəsaitin ayrılıb.

Nəşriyyatın maliyyə hesabatına görə, qurum 2024-cü ili 1 milyon 842 min manat zərərlə başa vurub. Bu, 2023-cü illə müqayisədə 14,4% çoxdur. Ötən il “Azərbaycan Nəşriyyatı”nın gəlirləri 5 milyon 663 min manat (əvvəlki illə müqayisədə 0,6% az), xərcləri isə 7 milyon 506 min manat (2,7% çox) təşkil edib.

Bu il yanvarın 1-nə “Azərbaycan Nəşriyyatı”nın aktivləri 31 milyon 112 min manat olub ki, bu da illik müqayisədə 6,1% azalma deməkdir. Hesabat dövründə qurumun öhdəlikləri 18,7% azalaraq 762 min manata, balans kapitalı isə 5,7% azalaraq 30 milyon 350 min manata enib.

Qeyd edək ki, “Azərbaycan Nəşriyyatı”nda xeyli sayda qəzet və jurnal nəşr olunur. Həmçinin 8 mərtəbəli binanın demək olar ki, bütün otaqları media, QHT və digər özəl təşkilatlara icarəyə verilib. Bundan başqa, qurumun ərazisində avtotəmir sexləri, anbarlar, prodakşn studiyaları kimi müxtəlif obyektlər də fəaliyyət göstərir və onlar aylıq olaraq nəşriyyata icarə haqqı ödəyirlər.

Nəşriyyatın taleyi ilə bağlı bir neçə ehtimal irəli sürmək mümkündür:

MMC icarə qiymətlərini artırır və maliyyə ehtiyaclarını bu yolla qarşılamağa çalışır. Lakin müasir tələblərə cavab verməyən binada icarə haqlarının bahalaşdırılması real çıxış yolu deyil. Orada fəaliyyət göstərən ictimai qurumların əksəriyyətinin maliyyə vəziyyəti zəifdir və onlar məhz aşağı icarə haqqına görə bərbad şəraitdə ofis icarələməyə məcbur olublar. Əgər qiymətlər qalxarsa, icarədarların çoxu binanı tərk edəcək.

Xatırladaq ki, “Azərbaycan Nəşriyyatı”na 2005-ci ildən 2021-ci ilə qədər Ağabəy Əsgərov rəhbərlik edib. 2021-ci il sentyabrın 30-da Prezident İlham Əliyevin sərəncamı ilə A.Əsgərov vəzifədən azad olunub, 1 oktyabr 2021-ci ildə Leyla Güləliyeva baş direktor təyin edilib.