Azərbaycan Televiziyasında yayımlanan və Nailə Babayevanın təqdimatında "Çıxışa doğru" tok-şousunun növbəti buraxılışı efirə gedib.
Proqramın bu dəfəki buraxılışı "Azərbaycan Televiziyasının yaranmasının 64 illiyinə həsr olunub. Buraxılışın mövzusu "Keçmişlə bu günümüzü birləşdirən gələcəyimiz" olub.
Proqrama dəvət olunan qonaqlar bir zamanlar dövlət televiziyasında çalışmış, əfsanəyə çevrilmiş şəxslər və bu gün aktual olan şəxslərdən olub.
Müzakirələr zamanı "Azərbaycan Televiziyasının 64 illik inkişafı", “Dəyişikliklər və innovasiya” məsələlərə toxunulub və çoxşaxəli müzakirə aparılıb.
Qeyd edək ki, veriliş həftə içi 5 gün, saat 17.00-da canlı yayımlanır. Tok-şouda əsasən sosial məsələlər, internet və media, informasiya təhlükəsizliyi kimi mövzular ətrafında fikir mübadiləsi aparılır.
"Çıxışa doğru" tok-şousunun informasiya dəstəyi BakuPost.az saytıdır.