Qırğızıstan nümayəndəsi Taalatbek Masadıkov Kollektiv Təhlükəsizlik Müqaviləsi Təşkilatının (KTMT) yeni Baş Katibi seçilib. O, vəzifəyə gələn ilin 1 yanvar tarixindən başlayacaq.
Bakupost.az xəbər verir ki, bu barədə hazırkı Baş Katib İmanqali Tasmahambetov Biskekdə keçirilən Kollektiv Təhlükəsizlik Şurasının iclasında təşkil edilən mətbuat konfransında məlumat verib.
Hazırda Masadıkov KTMT-də Baş Katibin müavini vəzifəsində çalışır. Qazaxıstan nümayəndəsi İmanqali Tasmahambetov isə 1 yanvar tarixindən Baş Katib postunu tərk edəcək. O, bu vəzifədə 1 yanvar 2023-cü ildən fəaliyyət göstərirdi.
Cavid, BakuPost