Pandemiyada qurbanlar necə alınacaq?

  • 17 İyl 2020 14:05
  • 2893 Baxış
Pandemiyada qurbanlar necə alınacaq?



Bu il müsəlman dünyasının daha bir önəmli bayramı pandemiya dövrünə təsadüf edir.

Azərbaycan Qida Təhlükəsizliyi Agentliyi Qurban bayramında pandemiya dövrünün tələblərinə ciddi şəkildə əməl olunmalı olması barədə məlumat yayıb.

"İnsanların qurbanlıq heyvan kəsimi və satışını kütləvi şəkildə toplaşaraq həyata keçirdiyi əvvəlki illərdən fərqli olaraq bu il pandemiya şəraiti nəzərə alınmaqla kütləviliyin və insanların sıx toplaşmasının qarşısını almaq məqsədilə vətəndaşlar Qurban bayramından bir neçə gün əvvəl qurbanlıq heyvan ətinin (heyvan cəmdəyinin) sifariş olunması üçün yaxınlıqda yerləşən satış məntəqələrinə - iri market və satış şəbəkələrinə əvvəlcədən müraciət edə, baytarlıq nəzarətindən keçmiş sağlam qurbanlıq heyvan ətlərini əldə edə bilərlər".

Məlumatda qeyd edilir ki, hazırda AQTA mütəxəssisləri tərəfindən Respublika üzrə Qurban bayramı günlərində qurbanlıq heyvan ətlərinin mövcud tələblər çərçivəsində vətəndaşlara çatdırılması imkanlarına malik olan satış şəbəkələri ilə işlər aparılır, onların siyahısı tərtib olunur. Yaxın günlərdə həmin satış məntəqələrinin adları və ünvanları ictimaiyyətin diqqətinə çatdırılacaq.





X