Ru
17:25 / 16 Yanvar 2026

Prezident qanunlarda edilən dəyişikliyi təsdiqlədi

Prezident qanunlarda edilən dəyişikliyi təsdiqlədi
Eye

Prezident İlham Əliyev “Azərbaycan Respublikasının Əmək Məcəlləsində, Azərbaycan Respublikasının Cinayət Məcəlləsində, Azərbaycan Respublikasının Vergi Məcəlləsində, Azərbaycan Respublikasının Cəzaların İcrası Məcəlləsində, “Həmkarlar ittifaqları haqqında”, “Sosial sığorta haqqında”, “Bələdiyyələrin statusu haqqında”, “Valideyn himayəsindən məhrum olmuş uşaqların sosial müdafiəsi haqqında”, “Azərbaycan Respublikasında vərəmlə mübarizə haqqında”, “Narkoloji xidmət və nəzarət haqqında”, “Gənclər siyasəti haqqında”, “Yaşayış minimumu haqqında”, “Ünvanlı dövlət sosial yardımı haqqında”, “Gender (kişi və qadınların) bərabərliyinin təminatları haqqında”, “İşsizlikdən sığorta haqqında”, “Əlilliyi olan şəxslərin hüquqları haqqında”, “Məşğulluq haqqında” və “Hesablama Palatası haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikasının 2025-ci il 30 dekabr tarixli 332-VIIQD nömrəli Qanununun tətbiqi və bununla əlaqədar Azərbaycan Respublikası Prezidentinin bəzi fərmanlarında dəyişiklik edilməsi haqqında fərman imzalayıb.


Bakupost.az fərmanın mətnini təqdim edir:

1. Müəyyən edilsin ki:

1.1. Azərbaycan Respublikası Əmək Məcəlləsinin 9-cu maddəsinin birinci hissəsinin “ö” bəndində, 36-cı maddəsinin 1-ci hissəsinin “a” bəndində və 2-ci hissəsində, 41-1-ci maddəsində, 50-ci maddəsinin 4-cü hissəsində, 74-cü maddəsinin “Qeyd” hissəsinin beşinci cümləsində, 122-ci maddəsinin 4-cü hissəsində, 179-cu maddəsinin 2-ci hissəsinin “g” bəndində və 186-cı maddəsinin 4-cü hissəsinin birinci cümləsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti həyata keçirir;

1.2. həmin Məcəllənin 14-cü maddəsinin 3-cü hissəsinin birinci abzasının ikinci cümləsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Əmək və Əhalinin Sosial Müdafiəsi Nazirliyi həyata keçirir;

1.3. həmin Məcəllənin 9-cu maddəsinin birinci hissəsinin “ö” bəndində, 36-cı maddəsinin 1-ci hissəsinin “a” bəndində və 41-1-ci maddəsində “orqan (qurum)” dedikdə Azərbaycan Respublikasının Nazirlər Kabineti nəzərdə tutulur;

1.4. həmin Məcəllənin 36-cı maddəsinin 2-ci hissəsində “orqan (qurum)” dedikdə baş kollektiv sazişə münasibətdə Azərbaycan Respublikasının Nazirlər Kabineti, sahə kollektiv sazişinə münasibətdə mərkəzi icra hakimiyyəti orqanları, dövlətin adından yaradılan publik hüquqi şəxslər, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxslər, ərazi kollektiv sazişinə münasibətdə yerli icra hakimiyyətləri nəzərdə tutulur;

1.5. həmin Məcəllənin 50-ci maddəsinin 4-cü hissəsində və 74-cü maddəsinin “Qeyd” hissəsinin beşinci cümləsində “orqan (qurum)” dedikdə Azərbaycan Respublikasının Əmək və Əhalinin Sosial Müdafiəsi Nazirliyi nəzərdə tutulur;

1.6. həmin Məcəllənin 122-ci maddəsinin 4-cü hissəsində “orqan (qurum)” dedikdə Azərbaycan Respublikasının Elm və Təhsil Nazirliyi nəzərdə tutulur;

1.7. həmin Məcəllənin 179-cu maddəsinin 2-ci hissəsinin “g” bəndində “orqan (qurum)” dedikdə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti nəzərdə tutulur;

1.8. həmin Məcəllənin 186-cı maddəsinin 4-cü hissəsinin birinci cümləsində “orqan (qurum)” dedikdə mərkəzi və yerli icra hakimiyyəti orqanları, dövlətin adından yaradılan publik hüquqi şəxslər, dövlət mülkiyyətində olan və ya paylarının (səhmlərinin) nəzarət zərfi dövlətə məxsus olan hüquqi şəxslər nəzərdə tutulur.

2. Azərbaycan Respublikasının Nazirlər Kabineti “Azərbaycan Respublikasının Əmək Məcəlləsində, Azərbaycan Respublikasının Cinayət Məcəlləsində, Azərbaycan Respublikasının Vergi Məcəlləsində, Azərbaycan Respublikasının Cəzaların İcrası Məcəlləsində, “Həmkarlar ittifaqları haqqında”, “Sosial sığorta haqqında”, “Bələdiyyələrin statusu haqqında”, “Valideyn himayəsindən məhrum olmuş uşaqların sosial müdafiəsi haqqında”, “Azərbaycan Respublikasında vərəmlə mübarizə haqqında”, “Narkoloji xidmət və nəzarət haqqında”, “Gənclər siyasəti haqqında”, “Yaşayış minimumu haqqında”, “Ünvanlı dövlət sosial yardımı haqqında”, “Gender (kişi və qadınların) bərabərliyinin təminatları haqqında”, “İşsizlikdən sığorta haqqında”, “Əlilliyi olan şəxslərin hüquqları haqqında”, “Məşğulluq haqqında” və “Hesablama Palatası haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikasının 2025-ci il 30 dekabr tarixli 332-VIIQD nömrəli Qanunundan irəli gələn məsələləri həll etsin.

3. “Azərbaycan Respublikası Əmək Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 1999-cu il 15 aprel tarixli 122 nömrəli Fərmanının (Azərbaycan Respublikasının Qanunvericilik Toplusu, 1999, № 4, maddə 231 (Cild I); 2024, № 6 (I kitab), maddə 654, № 8, maddə 943; 2025, № 2, maddə 124, № 7, maddə 641) 2-ci hissəsində aşağıdakı dəyişikliklər edilsin:

3.1. ikinci abzasa “2-1-ci hissəsində,” sözlərindən sonra “9-cu maddəsinin birinci hissəsinin “ö” bəndində, 36-cı maddəsinin 1 hissəsinin “a” bəndində və 2-ci hissəsində, 41-1-ci maddəsində,” sözləri, “2-ci hissəsində,” (birinci halda) sözlərindən sonra “50-ci maddəsinin 4-cü hissəsində,” sözləri, “2-ci hissəsində” (ikinci halda) sözlərindən sonra “122-ci maddəsinin 4-cü hissəsində,” sözləri, “6-cı hissəsində,” sözlərindən sonra “179-cu maddəsinin 2-ci hissəsinin “g” bəndində, 186-cı maddəsinin 4-cü hissəsinin birinci cümləsində,” sözləri əlavə edilsin;

3.2. dördüncü abzasdan “36-cı maddəsinin birinci hissəsinin “a” bəndində,” və “50-ci maddəsinin dördüncü hissəsində,” sözləri çıxarılsın;

3.3. beşinci abzasa “Məcəllənin” sözündən sonra “9-cu maddəsinin birinci hissəsinin “ö” bəndində, 36-cı maddəsinin 1-ci hissəsinin “a” bəndində, 41-1-ci maddəsində və” sözləri əlavə edilsin;

3.4. altıncı abzasda “üçüncü hissəsində” sözləri “3-cü hissəsinin birinci abzasının birinci və ikinci cümlələrində” sözləri ilə əvəz edilsin;

3.5. on ikinci abzasdan “186-cı maddəsinin dördüncü hissəsində,” sözləri çıxarılsın;

3.6. on altıncı abzasda “Azərbaycan Respublikasının nazirlikləri, dövlət komitələri və idarələri” sözləri “mərkəzi icra hakimiyyəti orqanları” sözləri ilə əvəz edilsin;

3.7. iyirmi beşinci abzasa “8-1-ci hissəsində,” sözlərindən sonra “50-ci maddəsinin 4-cü hissəsində,” sözləri əlavə edilsin;

3.8. iyirmi altıncı abzasdan “Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində” sözləri çıxarılsın;

3.9. iyirmi yeddinci abzasın sonunda nöqtə işarəsi nöqtəli vergül işarəsi ilə əvəz olunsun və aşağıdakı məzmunda iyirmi səkkizinci – otuz birinci abzaslar əlavə edilsin:

“həmin Məcəllənin 36-cı maddəsinin 2-ci hissəsində “orqan (qurum)” dedikdə baş kollektiv sazişə münasibətdə Azərbaycan Respublikasının Nazirlər Kabineti, sahə kollektiv sazişinə münasibətdə mərkəzi icra hakimiyyəti orqanları, dövlətin adından yaradılan publik hüquqi şəxslər, dövlət mülkiyyətində olan və paylarının (səhmlərinin) nəzarət zərfi dövlətə məxsus olan hüquqi şəxslər, ərazi kollektiv sazişinə münasibətdə yerli icra hakimiyyətləri nəzərdə tutulur;

həmin Məcəllənin 122-ci maddəsinin 4-cü hissəsində “orqan (qurum)” dedikdə Azərbaycan Respublikasının Elm və Təhsil Nazirliyi nəzərdə tutulur;

həmin Məcəllənin 179-cu maddəsinin 2-ci hissəsinin “g” bəndində “orqan (qurum)” dedikdə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti nəzərdə tutulur;

həmin Məcəllənin 186-cı maddəsinin 4-cü hissəsinin birinci cümləsində “orqan (qurum)” dedikdə Azərbaycan Respublikasının mərkəzi və yerli icra hakimiyyəti orqanları, dövlət mülkiyyətində olan və ya paylarının (səhmlərinin) nəzarət zərfi dövlətə məxsus olan hüquqi şəxslər nəzərdə tutulur.”.

4. “Azərbaycan Respublikasında dəniz səviyyəsindən 1200 metrdən yüksəklikdə yerləşən müəssisə, idarə və təşkilatlarda çalışan işçilərin əməyinin stimullaşdırılması tədbirləri haqqında” Azərbaycan Respublikası Prezidentinin 2006-cı il 26 sentyabr tarixli 461 nömrəli Fərmanında (Azərbaycan Respublikasının Qanunvericilik Toplusu, 2006, № 9, maddə 739 (Cild I) aşağıdakı dəyişikliklər edilsin:

4.1. adında, preambulada və 1-ci hissənin birinci abzasında “müəssisə, idarə və təşkilatlarda” sözləri “iş yerlərində” sözləri ilə əvəz edilsin;

4.2. 2-ci hissədən “müəssisə, idarə və” sözləri çıxarılsın və həmin hissədə “başqa müəssisə, idarə və təşkilatlarda” sözləri “digər iş yerlərində” sözləri ilə, “onların öz” sözləri “müəssisələrin və ya fiziki şəxs olan işəgötürənlərin” sözləri ilə əvəz edilsin.

5. “Azərbaycan Respublikasının Əmək və Əhalinin Sosial Müdafiəsi Nazirliyinin fəaliyyətinin təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 2011-ci il 16 fevral tarixli 386 nömrəli Fərmanında (Azərbaycan Respublikasının Qanunvericilik Toplusu, 2011, № 2, maddə 90 (Cild I); 2024, № 3, maddə 254, № 5 (I kitab), maddə 529, № 8, maddə 943, № 12 (II kitab), maddə 1369) aşağıdakı dəyişikliklər edilsin:

5.1. həmin Fərmanla təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə”nin 3-cü hissəsi üzrə:

5.1.1. 3.1.4-cü yarımbənddə “müəssisələrdə” sözü “iş yerlərində” sözləri ilə, “işin və ya istehsal vasitələrinin istismarının” sözləri “fiziki şəxs olan işəgötürənlərin, müəssisələrin və (və ya) onların struktur bölmələrinin, avadanlıq və qurğuların işinin” sözləri ilə əvəz edilsin;

5.1.2. 3.1.17-ci yarımbənddə “mülkiyyət və təşkilati hüquqi formasından asılı olmayaraq müəssisə, idarə və təşkilatların işçiləri” sözləri “iş yerlərində işçilər” sözləri ilə əvəz edilsin;

5.2. həmin Fərmanla təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti haqqında Əsasnamə” üzrə:

5.2.1. 3-cü hissə üzrə:

5.2.1.1. 3.1.9-cu yarımbənddə “müəssisələrdə” sözü “iş yerlərində” sözləri ilə, “işi və ya istehsal vasitələrinin istismarını” sözləri “fiziki şəxs olan işəgötürənlərin, müəssisələrin və (və ya) onların struktur bölmələrinin, avadanlıq və qurğuların işini” sözləri ilə əvəz edilsin;

5.2.1.2. 3.1.11-ci yarımbənddə “müəssisə və təşkilatlarda” sözləri “iş yerlərində” sözləri ilə əvəz edilsin;

5.2.2. 4-cü hissə üzrə:

5.2.2.1. 4.1.7-ci yarımbənddə “müəssisə və təşkilatlarda” sözləri “iş yerlərində” sözləri ilə əvəz edilsin;

5.2.2.2. 4.1.8-ci yarımbənddə “müəssisələrdə” sözü “iş yerlərində” sözləri ilə əvəz edilsin.

6. Azərbaycan Respublikası Prezidentinin 2012-ci il 6 iyun tarixli 648 nömrəli Fərmanı (Azərbaycan Respublikasının Qanunvericilik Toplusu, 2012, № 6, maddə 542 (Cild I); 2024, № 4, maddə 379, № 5 (I kitab), maddə 529; 2025, № 5, maddə 459, № 8, maddə 763, № 11, maddə 1037; Azərbaycan Respublikası Prezidentinin 2025-ci il 10 dekabr tarixli 546 nömrəli Fərmanı) ilə təsdiq edilmiş “Yerli icra hakimiyyətləri haqqında Əsasnamə”nin 4.8.1-ci yarımbəndində “müəssisələrdə” sözü “iş yerlərində” sözləri ilə əvəz edilsin.

7. Azərbaycan Respublikası Prezidentinin 2018-ci il 10 dekabr tarixli 387 nömrəli Fərmanı (Azərbaycan Respublikasının Qanunvericilik Toplusu, 2018, № 12 (I kitab), maddə 2544 (Cild I); 2024, № 5 (I kitab), maddə 529, № 8, maddə 943, № 9, maddə 1000, № 12 (II kitab), maddə 1383; 2025, № 3, maddə 226, № 11, maddə 1022) ilə təsdiq edilmiş “DOST” mərkəzlərində göstərilən xidmətlərin siyahısı”nın 1.3-cü bəndində “müəssisə və təşkilatlarda” sözləri “iş yerlərində” sözləri ilə əvəz edilsin.

Şərhlər
Captcha ↻
Facebook
Bizi facebook-da izləyin
Tiktok
Bizi tiktok-da izləyin
Youtube
Bizi youtube-da izləyin
Son xəbərlər
Çox oxunanlar
Son xəbərlər