Qərbi Kaspi Universitetinin tələbələri olimpiadada uğur qazandılar


Rusiya Federasiyası Sankt-Peterburq şəhərində Müstəqil Dövlətlər Birliyinə Üzv Dövlətlərin Parlamentlərarası Assambleyasının Beynəlxalq Monitorinq İnstitunun Bakı filialı tərəfindən Azərbaycan Respublikasında ali təhsil müəssisələrinin yuxarı kurslarında təhsil alan tələbə-gənclər arasında Dünya ölkələrinin seçki sistemləri adlı internet-olimpiada keçirilib.

Tələbələr Avropa və MDB ölkələrinin seçki qanunvericilikləri ilə bağlı sualları cavablandırıblar.

Yekun nəticələrə görə, Qərbi Kaspi Universitetinin tələbələri - Kamran Kazımzadə ikinci, Aida Magomedova isə üçüncü yerə layiq görülüblər.