11:54 / 11 Oktyabr 2021

Sabir Rüstəmxanlıdan qiymət artımına etiraz: Dinləmə keçirilsin!

3429
“Bizdə büdcənin müzakirələri çox qısa keçir”.

Bakupost.az -ın məlumatına görə, bunu Milli Məclisin bu gün keçirilən iclasında deputat Sabir Rüstəmxanlı deyib.

Deputat təklif edib ki, büdcə müzakirələrinə ayrılan vaxt uzadılsın: “Burada olan deputatların hər birinin seçildiyi dairənin problemlərini səsləndirmək, bu məsələlərin büdcədə yer almasını istəyirlər".

S. Rüstəmxanlı qiymət artımı ilə bağlı dinləmə keçirilməsini təklif edib: “Bu, əhalini ciddi narahat edir. Ölkədəki qiymət siyasətinə kim baxır?! Bahalaşma ildırım sürəti ilə gedir. Benzin qalxan kimi hər şeyin qiyməti qalxır. Təklif edirəm ki, qiymətlərin artmasının əsaslı olub-olmaması ilə bağlı yığıncaq keçirilsin. Bilək ki, əhalinin real gəliri ilə qiymətlərin artması uyğundur ya yox".

Həmçinin, deputat rayon və kəndlərdəki internet problemindən də söz açıb: “Yaxşı olar ki, bu məsələyə ciddi diqqət yetirilsin. Kəndlərimizdə internet yoxdur”.
Bizi telegram-da izləyin
Bizi facebook-da izləyin
Bizi youtube-da izləyin

Şərhlər
Son xəbərlər
Çox oxunanlar
Son xəbərlər