Varşavadan Kiyevə xəbərdarlıq: “Aİ üzvlüyünə gedən yol...”

Bakupost.az xəbər verir ki, Varşava Kiyevin birliyin tarixi yaddaşla bağlı tələblərini yerinə yetirməli olduğunu düşünür.

Polşanın müdafiə naziri Vladislav Kosinyak-Kamış bildirib ki, Varşava Ukraynanın Avropa İttifqaına daxil olmasını dəstəkləyib-dəstəkləməmək barədə özü qərar verəcək və səsvermə zamanı heç kim öz mövqeyini tətbiq edə bilməz.

Jurnalistin Ukraynanın Aİ-dəki perspektivləri ilə bağlı sualına cavab olaraq, Kosinyak-Kamış deyib ki, Stepan Bandera milli panteonda mərkəzi fiqur olaraq qalsa da, Kiyev bütün Aİ şərtlərini yerinə yetirməyə borcludur.

Müdafiə naziri bildirib ki, namizəd ölkə Aİ tərəfdaşlarının həssas reaksiyalarına və etirazlarına səbəb olan şəxslər və hadisələr ətrafında yaddaş siyasəti qurmamalıdır. Bundan əlavə, o bildirib ki, Ukrayna hakimiyyəti Polşa ilə tarixi fikir ayrılıqlarından daxili siyasi problemləri həll etmək üçün istifadə edir.

Qeyd edək ki, Ukrayna millətçisi Stepan Bandera II dünya müharibəsi zamanı Volın və şərqi Polşada etnik polyak əhalisinin kütləvi şəkildə məhv edilməsini təşkil edən Ukrayna Millətçiləri Təşkilatının (OUN-B) ideoloji rəhbərlərinindən olmaqda ittiham olunur. Bu qırğın “Volın qırğını” kimi tanınır. Bu etnik təmizləmə on minlərlə polyak mülki şəxsin ölümünə səbəb olub.