ABŞ Belarusla anlaşdı – Sanksiyalar yumşaldıldı

Bakupost.az “The Moscow Times”a istinadən xəbər verir ki, Lukaşenko açıqlamasında “təklif Belarus üçün strateji əhəmiyyət kəsb edir”, – deyib. O, ABŞ-nin xüsusi nümayəndəsi Con Koul ilə aparılan danışıqlar çərçivəsində bu sazişin hazırlanmasına razılıq verib. “Bu, Belarus üçün vacibdir və mən də bu təşəbbüsü normal qarşılayıram. ABŞ-a çatdırın ki, sazişi hazırlamağa razıyam”, – deyə Lukaşenko vurğulayıb.

Eyni gündə ABŞ tərəfi Belarusun bir sıra iqtisadi qurumlarına tətbiq olunan sanksiyaların ləğv edildiyini elan edib. Bu qərar çərçivəsində Belarus Maliyyə Nazirliyi, “Belinvestbank” və Belarus İnkişaf Bankı ilə yanaşı, kalium gübrələri istehsalçısı “Belaruskalı” və Belarus Kalium Şirkəti də sanksiyalardan azad edilib.

Belarus Prezidenti həmin gün 250 siyasi məhbusu əfv edib. Vyasna İnsan Haqları Mərkəzinin məlumatına görə, azad edilənlərin 15-i ölkədən deportasiya olunub, qalan 235 nəfər isə Belarusda qalacaq.

Analitiklər hesab edirlər ki, bu addımlar Minsk və Vaşinqton arasında iqtisadi və diplomatik münasibətlərin yeni mərhələyə qədəm qoyduğunu göstərir. Hazırda tərəflər arasında nəzərdə tutulan “böyük sazişin” detalları açıqlanmır, lakin ekspertlər bunun Belarusun strateji və iqtisadi mövqeyini gücləndirə biləcəyini qeyd edirlər.