ABŞ şirkətləri Azərbaycana gəlir – 22 milyardlıq səhm satışa çıxıb

ABŞ-nin böyük kapital şirkəti “Carlyle” və onun rəhbərlik etdiyi konsorsium, həmçinin “Chevron” və “Quantum Capital Group”un iştirak etdiyi qrup, “Lukoil”un beynəlxalq aktivlərinin alınması üçün əsas namizədlər arasında yer alır. Bu prosesdə BƏƏ-dən “International Holding Company” (IHC) da iştirak edir.

Bakupost.az xarici mediaya istinadən xəbər verir ki, satışa çıxarılan “Lukoil” səhmləri 22 milyard dollar dəyərindədir. Burada İraq, Azərbaycan və Qazaxıstandakı neft şirkətləri, həmçinin Avropa və ABŞ-dəkı neft emalı və logistik şəbəkələri daxildir. Azərbaycan üzrə aktivlərin satışı region üçün xüsusi əhəmiyyət daşıyır, çünki Bakı neft layihələri “Lukoil”un strateji portfelində mühüm rol oynayır.

Bu satış ABŞ-nin oktyabr ayında tətbiq etdiyi sanksiyalar fonunda baş verir və 17 yanvar tarixli son müddət ABŞ tərəfindən müəyyən olunub. Sanksiyalar Moskvanı Ukrayna ilə sülhə sövq etmək məqsədini daşıyır, “Lukoil” isə bu sanksiyalar səbəbindən maliyyə və bank əməliyyatlarında ciddi çətinliklərlə üzləşib.

Əlavə olaraq, “Lukoil”un İraqdakı ən böyük yatağı “West Qurna” 2 dövlət tərəfindən alınıb. Potensial alıcılarla danışıqlar noyabrdan başlayıb və razılıq əldə edildikdən sonra satış ABŞ Maliyyə Nazirliyinin Xarici Aktivlərin Nəzarəti İdarəsi tərəfindən təsdiqlənməlidir. Qaydalara əsasən, rüsumların və tənzimləmələrin icrası ilə danışıqlar vaxtı uzadıla bilər.

Ekspertlər hesab edir ki, Azərbaycan aktivlərinin ABŞ şirkətləri tərəfindən alınması regionda enerji təsirinin dəyişməsinə səbəb ola bilər və Bakı üçün həm iqtisadi, həm də geosiyasi əhəmiyyət daşıyır. Bu satış yalnız “Lukoil”un maliyyə vəziyyətinə təsir etməyəcək, eyni zamanda Azərbaycanın enerji strategiyasında yeni dinamikaya yol aça bilər.

Cavid, BakuPost