Atası ona hər ay 1 milyon dollar cib xərcliyi verir - Foto

Bakupost.az xəbər verir ki, 26 yaşlı Bruklin instaqramda həyat yoldaşı ilə Kaliforniya ştatının Montesito şəhərində yerləşən dəbdəbəli “San Ysidro Ranch”dan silsilə şəkillər paylaşıb.

Bruklinin şam yeməyi süfrəsindən paylaşdığı şəkildə masanın üzərində 17 000 funt sterlinq (təxminən 40 000 AZN) dəyərində qiymətləndirilən dünyanın ən bahalı desert şərablarından biri əks olunub. Şərab zirzəmisində çəkilmiş şəkillərdən birində isə iki şüşə məşhur “Château d'Yquem” şərabı yer alıb. Onlardan birinin 1811, digərinin isə 1831-ci il istehsalı olduğu görünür. Cütlüyün dəyəri on minlərlə funt sterlinq olan bu şərabları alıb-almadığı məlum olmasa da, Nikolanın milyarder atasından ayda 1 milyon ABŞ dolları cib xərcliyi aldığı ilə bağlı şaiyələr fonunda bu addım heç də təəccüblü görünmür.

Bildirilir ki, cütlük bir gecəlik qalma xərci təxminən 2595 dollara (təxminən 4400 AZN) çatan “San Ysidro Ranch”dan paylaşdıqları şəkillərdə münasibətlərinin yaxşı olduğunu nümayiş etdirməyə çalışıb.

Nikolanın atası Nelson Peltsin 1.6 milyard dollar (təxminən 2 milyard 720 milyon AZN), Bekhemlərin isə 680 milyon dollar (təxminən 1 milyard 156 milyon AZN) sərvətə malik olduqları deyilir.

Qeyd edək ki, daha əvvəl jurnalist Marina Hayd “The Rest Is Entertainment” podkastında Bekhem ailəsi ilə bağlı son qalmaqal haqqında danışarkən bildirmişdi: “Eşitdiyimə görə, Bekhemlər Bruklinə çox pul verirlər, amma ağlasığmaz məbləğlər deyil, çünki onlar oğullarının müstəqil və özünü təmin edə bilən biri olmasını arzu edirlər. Nelson Pelts isə qızına ayda 1 milyon dollar (təxminən 1 milyon 700 min AZN) verdiyini bəyan edib”.