Ru
15:29 / 06 İyun 2024

ABŞ-dən Türkiyəyə F-16 mesajı: Döyüş təyyarələri nə vaxt gələcək?

1237
ABŞ-ın Ankaradakı səfiri Ceff Fleyk bu gün Türkiyənin son nəsil F-16 “Blok 70” döyüş təyyarələrinin alınması və mövcud F-16 donanmasının modernləşdirilməsi istiqamətində mühüm addım atıldığını bildirib.

Bakupost.az xarici KİV-ə istinadən xəbər verir ki, Fleyk bunu ABŞ və Türkiyənin milli təhlükəsizliyi olduğunu bildirib. Səfir həmçinin bunun NATO-nun qarşılıqlı fəaliyyəti üçün yaxşı addım olduğunu deyib.

ABŞ Dövlət Departamentinin Siyasi-Hərbi Məsələlər Bürosu isə belə bir bəyanat yayıb.

“Birləşmiş Ştatlar bu gün Türkiyənin indiyə qədər istehsal etdiyi ən yeni nəsil F-16 “Blok 70” döyüş təyyarələrinin alınmasında mühüm addım atıldığını elan etməkdən qürur duyur. Bu, ABŞ-ın Türkiyə ilə təhlükəsizlik sahəsində tərəfdaşlığına sarsılmaz sadiqliyinin son nümunələrindən yalnız biridir”-deyə bəyanatda deyilir.

Qeyd edək ki, Türkiyə F-16 döyüş təyyarələri üçün ilk müraciətini 2021-ci ilin oktyabrında etmişdi. 2024-cü ilin yanvarında ABŞ hökuməti Türkiyəyə F-16 təyyarələrinin satışını təsdiqləyib. 23 milyard dollarlıq razılaşmanı göstərən bu qərar Türkiyənin İsveçin NATO üzvlüyünü təsdiqləməsindən sonra verilib.

Türkiyənin 40 ədəd yeni F-16 “Blok 70” döyüş təyyarəsi alacağı və hazırda malik olduğu 79 ədədini modernləşdirəcəyi bildirilir.

Vasif
BakuPost
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin







Son xəbərlər
Çox oxunanlar
Son xəbərlər