Ru
19:12 / 29 Sentyabr 2022

ABŞ-ın Kiprlə bağlı addımına Türkiyədən CAVAB - Hərbi qüvvə və silah göndəriləcək

2020
Türkiyə ABŞ-ın Cənubi Kiprrə qarşı silah embarqosunu ləğv etməsinə adekvat cavab verib. Xarici işlər naziri Mövlud Çavuşoğlu Kiprdəki türk xalqını qorumaq üçün adaya daha çox hərbi qüvvə və silah göndəriləcəyini açıqlayıb.



Bakupost.az xəbər verir ki, Türkiyə ABŞ-ın bu addımı ilə adada silahlanma yarışının başlamasından və Şərqi Aralıq dənizində sülh və sabitliyin pozulmasından narahatdır.


Çavuşoğlu məsələ ilə bağlı bildirib ki, Kipr türklərini qorumaq üçün oraya daha çox hərbi qüvvə göndəriləcək, onların silah və digər ehtiyacları da qarşılanacaq. Nazir bütün Dünya qarşılarında olsa belə, Kipr, Egey və Şərqi Aralıq dənizində Türkiyənin öz hüquqlarını və qanunlarını qorumağa davam edəcəyini, bu mövzuda qərarlı olduqlarını vurğulayıb.



Qeyd edək ki, ABŞ Dövlət Departamenti 2023-cü maliyyə ili üçün Kipr Rum rəhbərliyinə qarşı silah embarqosunu ləğv edib. Vaşinqtonun beynəlxalq silah ticarəti qaydaları 2022-ci il oktyabrın 1-dən qüvvəyə minəcək. Bölgədəki silah yarışının qarşısını almaq və adadakı kiprli türklərlə yunanlar arasındakı münaqişənin sülh yolu ilə həll olunmasını təşviq etmək üçün ABŞ 1987-ci ildən bəri Cənubi Kiprə silah embarqosu tətbiq edirdi.


Aysel
Baku Post
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər