Ru
11:42 / 03 Fevral 2023

Aqrar Universitetinin​ dekanının saxlanılma səbəbi məlum oldu - RƏSMİ

4614
Xəbər verdiyimiz kimi, 2 gün öncə Dövlət Aqrar Universitetinin​ dekanı, professor Famil Nəsibov saxlanılmışdı.

Baş Prokurorluğun Mətbuat xidmətindən Bakupost.az -a verilən məlumata görə, F.Nəsibov barəsində cinayət işi başlanıb. Baş prokuror yanında Korrupsiyaya qarşı Mübarizə Baş İdarəsi tərəfindən həyata keçirilmiş əməliyyat-axtarış tədbirləri nəticəsində tələbələrdən rüşvət alan dekanın qanunsuz əməlləri ifşa edilib.

F.Nəsibovun rəhbərlik etdiyi fakültənin bəzi tələblərinin dərslərdə iştirak etməməsi və imtahanlarda məqbul qiymətlər yazılması müqabilində rüşvət almasına əsaslı şübhələr müəyyən edilib. Famil Nəsibovun üzərində və xidməti otağında aparılan axtarış zamanı iş üçün əhəmiyyət kəsb edən sübutlar aşkar edilərək götürülüb.

Baş İdarədə cinayət işi başlanıb, Famil Nəsibova Cinayət Məcəlləsinin 311.3.2-ci (rüşvət alma təkrar törədildikdə) maddəsilə ittiham elan edilib. Vəzifədən kənarlaşdırılıb və barəsində ev dustaqlığı seçilib.
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər