Millimiz İsveçə uduzdu -YENİLƏNİB

Bakupost.az xəbər verir ki, C liqasının 1-ci qrupunda yer alan komanda 1-ci turda İsveçlə qarşılaşacaq. Tofiq Bəhramov adına Respublika Stadionunda keçiriləcək görüş saat 20:00-da start götürəcək. Matçı Macarıstandan olan hakimlər briqadası idarə edəcək.

Bu, Azərbaycan millisinin Fernandu Santuşun baş məşqçiliyi altında çıxacağı ilk oyundur.

Qeyd edək ki, Azərbaycan millisi növbəti görüşünü sentyabrın 8-də səfərdə Slovakiyaya qarşı keçirəcək.

I qrup, I tur

Azərbaycan: 23. Mehdi Cənnətov, 22. Abbas Hüseynov, 4. Bəhlul Mustafazadə, 15. Bədavi Hüseynov, 3. Elvin Cəfərquliyev, 20. Aleksey İsayev, 8. Emin Mahmudov (k), 7. Coşqun Diniyev, 11. Ramil Şeydayev, 9. Renat Dadaşov, 17. Toral Bayramov.

Ehtiyat oyunçular: Rza Cəfərov, Yusif İmanov, Amin Seydiyev, Şəhriyar Əliyev, Emil Mustafayev, Ozan Can Kökçü, Rahil Məmmədov, Rüstəm Əhmədzadə, Elvin Camalov, Ceyhun Nuriyev, Nəriman Axundzadə, Xəyal Nəcəfov.

Baş məşqçi: Fernandu Santuş.

İsveç: 12. Viktor Yohansson, 6. Lüdviq Auqustinsson, 4. İsak Hien, 2. Aleks Duqlas, 3. Linus Valqvist, 18. Yasin Ayari, 19. Mattias Svanberg, 11. Antoni Elanqa, 9. Aleksander İsak, 21. Deyan Kuluşevski, 17. Viktor Qyökeres.

Baş məşqçi: Yon Dal Tomasson.

Hakimlər: Balazs Berke, Vencel Toth, Balazs Szert, Csaba Pinter (Macarıstan)

***

Matç başladı

***

45+6-cı dəqiqədə Ramil Şeydayev penaltidən yararlana bilmədi.

***

Birinci hissə başa çatdı.

***

İkinci hissə başladı.

***

İsveç millisi 65-ci dəqiqədə İsakın vurduğu qolla hesabı açır.

***

71-ci dəqiqədə İsak dubl edir - 0:2.

***

79-cu dəqiqədə qonaqlar 3-cü qolu millimizin qapısından keçirir. Viktor Qyökeres penaltidən fərqlənir - 0:3.

***

81-ci dəqiqədə millimiz hesab arasındakı fərqi Renat Dadaşovun vurduğu qolla azaldır - 1:3.

***

Qarşılaşma millimizin 1:3 hesablı məğlubiyyəti ilə başa çatdı.