23:16 / 23 Aprel 2024

Azərbaycanda bu taksi şirkəti fəaliyyətini DAYANDIRIR - YENİLƏNDİ

1419

Yaxın zamanda ölkədə Uklon taksi xidməti fəaliyyətini dayandıracaq.

Bakupost.az əxəbər verir ki, bu barədə “PAŞA Holding”-in mətbuat xidməti məlumay yayıb.

PAŞA Holding öz ekosistem strategiyası çərçivəsində genişləndirmək və daha da inkişaf etmək məqsədi ilə yeni, müasir, mütərəqqi biznes sahələrini araşdırır və eyni zamanda mövcud sahələrin təkmilləşdirilməsi üzərində işləyir. Bu sahələrdən biri də taksi sifarişi platformaları ilə əməkdaşlıqdır.

“2023-cü ildə PAŞA Holding Ukraynanın Uklon şirkəti ilə əməkdaşlığa başlayıb. Birgə tərəfdaşlıq zamanı taksi biznesinin ekosistemə müsbət təsiri, eləcə də bu biznesin ümumilikdə ekosistemə yeni müştərilərin cəlb edilməsi və saxlanılması baxımından faydalılığı müşahidə olundu. Ekosistemin bir hissəsi olan Umico ilə birgə kampaniyalar da müştərilər tərəfindən müsbət qarşılandı. Bütün bunları nəzər alaraq, şirkət bu biznesin ekosistemin cari müştərilərinə daha böyük fayda təqdim etməsi məqsədilə yeni həll yolları axtarır. “Biz bu biznesi indikindən daha sürətli şəkildə inkişaf etdirmək istəyirik. Bu məqsədlərə nail olmaq üçün PAŞA Holding avtonəqliyyat sifarişi xidməti sahəsində yeni tərəfdaşlıq imkanlarını nəzərdən keçirir və hazırda bazar liderləri ilə danışıqlar aparır. Uklon ilə tərəfdaşlıq bizim inkişafımızda mühüm addım oldu və biz bu dəyərli təcrübə üçün tərəfdaşımıza minnətdarıq”, - holdinqin mətbuat xidmətindən qeyd edilib.

***

22:13

Azərbaycanda "Uklon" taksi şirkəti fəaliyyətini dayandırır.

Bakupost.az Modern.az -a istinadla xəbər verir ki, bu barədə şirkət tərəfindən həm sürücülərə, həm də tətbiq istifadəçilərinə bildiriş göndərilib.

Bildirişdə deyilir ki, 30 apel 2024-cü ildən etibarən "Uklon" avtomobil çağırış xidməti və müvafiq tətbiq Azərbaycanda fəaliyyətini dayandıracaq.