"Cəmiyyət sussa, bu cür terror aktları davam edəcək" - Partiya sədri

“Deputata, ictimai-siyasi xadimə qarşı bu hücum terror aktıdır. Bunun başqa adı ola bilməz. Bu onun siyasi fəaliyyətinə qarşı hücumdur. Çox güman ki, bu hadisə elə Fazil bəyin tənqid etdiyi mövzulara görə olub. O, İran hökumətinin fəaliyyətini kəskin tənqid edib. Buna görə açıq-aşkar təhdidlər də alıb. Sosial mediada müəyyən qrupların Fazil bəyə qarşı aqressiyasını həmişə müşahidə etmişəm. Ona görə də bu məsələdə ilk ağıla gələn tərəf İrandır. Amma bu ehtimaldır. İstintaq davam edir. Konkret nəticə ortaya qoyulana qədər bütün versiyalar ehtimal kimi səsləndirilməlidir”.

“Terrorun məqsədi bir şəxsi aradan götürmək olmur. Cəmiyyəti, dövləti qorxutmaq, dövlətə bir mesaj vermək məqsədi daşıyır”.

“Bu günə qədər davam etdirilən siyasi xətti dəyişmək lazım deyil. Onlar düşünsə ki, bu addımlardan sonra siyasətçilər, media, cəmiyyət susur, onda bu cür terror aktları davam edəcək. Əminəm ki, terrorçular tez bir zamanda tapılacaq. Azərbaycan müstəqil dövlətdir. Heç kim onu qorxuda bilməz”.