Ru
14:31 / 22 May 2025

Çində torpaq sürüşməsi: 21 nəfər itkin düşdü

Çində torpaq sürüşməsi:  21 nəfər itkin düşdü
Eye

Çinin cənub-qərbində yerləşən Guizhou əyalətində baş verən güclü yağışların səbəb olduğu torpaq sürüşmələri nəticəsində azı 21 nəfər itkin düşüb.

Bakupost.az Reuters Xəbər Agentliyinə istinadən xəbər verir ki, hazırda ərazidə axtarış-xilasetmə işləri davam etdirilir. Əməliyyatlara ordu da cəlb olunub.

Rəsmi qurumlar yaxın ərazilərdə də oxşar geoloji fəlakətlərin baş verə biləcəyi ilə bağlı xəbərdarlıq edib.

Çin rəsmilərinin bildirdiyinə görə, ölkə iqlim dəyişikliyi səbəbilə proqnozlaşdırılması çətin olan leysan yağışları ilə üz-üzədir. Çinin əhali sayının çoxluğuna görə bu cür təbii fəlakətlərə qarşı daha həssas olduğu vurğulanır.

Hadisənin baş verdiyi dağlıq Guizhou əyaləti ilə yanaşı, yaxınlıqdakı əyalətlərdə də güclü yağışlarla bağlı üçüncü ən yüksək fövqəladə vəziyyət rejimi elan olunub. Bölgəyə 400-dən çox fövqəladə hallara müdaxilə işçisi, o cümlədən hərbçilər və yanğınsöndürənlər cəlb olunub.

Aysel,
BakuPost

Şərhlər
Captcha
Telegram
Bizi telegram-da izləyin
Facebook
Bizi facebook-da izləyin
Tiktok
Bizi tiktok-da izləyin
Youtube
Bizi youtube-da izləyin
Son xəbərlər
Çox oxunanlar