Uşaqlar məktəb avtobusunda diri-diri yandılar: 25 ölü

Bakupost.az "KP"-yə istinadən xəbər verir ki, Banqkok yaxınlığında uşaqları və müəllimləri ekskursiyaya aparan məktəb avtobusu yanıb.

Tailandın daxili işlər naziri Anutin Çarnvirakul “Reuters”ə bildirib ki, insident nəticəsində 25 nəfər həlak olub.

Hadisənin səbəbi məlum deyil. Araşdırmalar davam edir. Media yanğının çox sürətlə başladığını, kabinədə olan uşaq və müəllimlərin əksəriyyətinin avtobusu tərk etməyə sadəcə vaxt tapmadığını bildirir.

16 nəfərin xəstəxanaya yerləşdirildiyi bildirilir. Onların arasında həm yetkinlik yaşına çatmayanlar, həm də böyüklər var. Qurbanların kimliyinə gəlincə, hazırda onların şəxsiyyəti müəyyənləşdirilir. Tailand polisi heç bir təfərrüat açıqlamayıb.