Elçin Əlibəyli: “Qardaşımın ürəyində heç bir qüsur olmayıb"

Bakupost.az xəbər verir ki, bu sözləri tanınmış televiziya prodüseri, rejissor Oqtay Əliyevin qardaşı, teleaparıcı Elçin Əlibəyli jurnalistlərə açıqlamasında deyib.

E.Əlibəyli Oqtay Əliyevin ürək xəstəliyindən əziyyət çəkmədiyini bildirib:

"Sonuncu dəfə iki gün öncə görüşmüşdük. Hadisədən bir saat öncə telefonla xeyli danışdıq. O, mənim böyük qardaşım idi. Atamdan sonra böyüyüm o idi. Ürək xəstəliyindən əziyyət çəkmirdi. Əsaslanmamış məlumat yayıblar. Qardaşım heç bir əməliyyat keçirməyib. Patoloji Anatomiya Birliyindən aparılan araşdırmadan da məlum olub ki, ürəyində heç bir qüsur olmayıb . Nə olubsa, qəflətən olub. Aldığı güclü travmadan dünyasını dəyişib”.