11:23 / 20 Yanvar 2024

Elə bir öləsən ki, dəfninə milyonlar axışa...

9068

İqbal Səfərov

Silahlı Qüvvələrin zabiti,

Dövlət Gömrük Komitəsinin əməkdaşı

Bütün hamının ölüsü olasan. Ölümsüz olasan. Adına " Şəhid " deyələr.

Elə bir öləsən ki, dəfninə milyonlar axışa. Heç səni tanımıyalar da.

İnsanların övladlarına sənin məzarını göstərib " Azadlığımız, suverenliyimiz, müstəqilliyimiz uğrunda canını verərək Vətən olan qəhrəman kimi tanıdılasan.

Məzarın üstündə səni tanıyan tanımıyan hər kəs sayqı duruşuna dayana... Hörmətlə baş əyə...

"Heç kim və heç nə unudulmur"

Bəli, sən artıq unudulmuyacaqsan. Etdiklərinlə, verdiyin anlam dolu son nəfəsinlə tarixlərə yazılıb hər kəsin ölüsünə çevriləcəksən. Şanlı tarixin özü olacaqsan.

İllər keçib gedə...Nəsil dəyişə...

Balaca məktəbli fidanlar əllərində al qərənfillərlə məzarın başına toplana ...Adına mahnılar, şerlər oxuna. Əsərlər yazılıb, hekayələr səslənə...

Milyonlar ziyarətinə gələ... Dəfnində olduğu kimi illər sonra məzarın başında da insan izdihamı yaşana...İnsanlar məzarın başında xatirə şəkilləri çəkdirə...

Sən artıq hər kəsin ölüsüsən. Ölümsüzsən.

Azadlıq, istiqaliyyət fədaisinə çevrilmisən. Adına " Şəhid" deyirik. Şanlı tariximizin özüsən.

Nə qədər Azərbaycan var, nə qədər Azərbaycan xalqı var sən daim xatırlanacaq hörmət və ehtiramla yad olunacaqsan.

Hətta sənə paxıllıq edənlərimiz də az deyil. Axı sən olduğun məqama biz sadəcə baxa bilirik. Aşağıda dayanıb yuxarıdakı sənin qarşında sadəcə baş əyə bilirik. Və bundan sadəcə qürur duyuruq.

Vətənimiz sənə minnətdardır. Elə bizlər də.

Şərhlər

Seçilmiş Zəngimcell