Əliyev və Paşinyan Əbu-Dabidə müqavilə imzalayacaq? - Tofiq Zülfüqarovun şərhi

Bu baxımdan Əbu-Dabi görüşü nə vəd edir? Tərəflər arasında hansısa saziş imzalana bilərmi?

Məsələ ilə bağlı Bakupost.az -a açıqlama verən sabiq xarici işlər naziri Tofiq Zülfüqarov bildirdi ki, bu, yekun görüş olmayacaq:

“Biz başa düşməliyik ki, masanın üzərindəki sənəd sülh sazişidir. Bununla əlaqədar olaraq, Əbu-Dabi görüşü sadəcə, prinsipləri əhatə edən və bəzi məsələləri həll edən bir görüşdür. Amma digər məsələlər hələ öz həllini tapmalıdır.

Sərhədlərin delimitasiyası və demarkasiyası, kommunikasiyaların müzakirə olunması və həll edilməsi, humanitar məsələlər və s. var. Mövzular hələ çoxdur. Mən, doğrusu, inanmıram ki, orada hansısa sənədə qol çəkiləcək. Güman edirəm ki, ümumi bir bəyanat qəbul oluna və ya medianın sualları cavablandırıla bilər.

Azərbaycanın mövqeyi ondan ibarətdir ki, Ermənistanın rəsmi sənədlərində, o cümlədən Konstitusiyasında Azərbaycana qarşı ərazi iddiaları aradan qaldırılmalıdır. Bunlar həll edilmədikcə, Azərbaycan sülh sazişinə qol çəkməyəcək. Bu barədə mövqeyimiz açıq şəkildə bildirilib. Hər halda, ümid edək ki, mövqeləri yaxınlaşdıran bir görüş olacaq.”