Dünyaca məşhur pianoçu Fazıl Say 3 il əvvəl evləndiyi Ece Dağıstanla bu gün boşandıqlarını açıqlayıb.
Bakupost.az Türkiyə mətbuatına istinadən bildirir ki, məşhur cütlük məhkəmə binasına əl-ələ daxil olub.
Bu barədə Fazıl Say özünün "Instagram" hesabında məlumat paylaşıb.
"Çox kədərliyəm, bu gün həyat yoldaşım Ece ilə evliliyimizi bitirdik. Beykoz Məhkəmə binasına Ece ilə əl-ələ girdik, əl-ələ çıxdıq", - deyə yazan pianoçu 7 illik sevgi münasibətini xoş xatirələrlə yadda saxlayacağını qeyd edib.
Qeyd edək ki, cütlük 2019-cu ildə İtaliyanın Milan şəhərində nikah masasına əyləşmişdi.