Gənclər bu ixtisaslara üstünlük versin - Millət vəkilindən tövsiyə

Bunu Bakupost.az -a açıqlamasında Milli Məclisin Elm və təhsil komitəsinin üzvü, millət vəkili Ceyhun Məmmədov deyib.

O bildirib ki, ali təhsil almağa, oxumağa potensialı, həvəsi olmayanlar isə peşəyə yönəldilməlidir:

“Hər bir valideyn istəyir ki, övladı ali təhsil alsın. Biz valideynləri başa düşürük. Amma hansısa gəncin oxumağa həvəsi, potensialı yoxdursa, onu peşəyə yönləndirmək lazımdır. Gənclər əsasən informasiya texnologiyaları, informasiya təhlükəsizliyi kimi ixtisaslara ​ üstünlük verməlidir. Dünyadakı yeni çağırışlara hazır olmalıyıq. Bir müddət əvvəl ölkədə hər kəs hüquqşünas olmaq istəyirdi. Ancaq indi gənclərin seçimi başqa ixtisaslardır”.

Millət vəkili qeyd edib ki, ölkədə hansı sahəyə maraq çoxdursa, ora yönəlmək lazımdır: “Müasir əmək bazarını araşdırmalı və buna uyğun ixtisas seçimi edilməlidir. Gənclərə istiqamət verilməlidir ki, nəyə üstünlük versinlər. ​ Əmək bazarında kifayət qədər iş var, gənclər ixtisas seçimində səhvə yol verməməlidirlər”.