***
10:23
Daxili İşlər Nazirliyi (DİN) Göygöl rayonunda 6 nəfərin öldüyü yol qəzası barədə məlumat yayıb.
DİN-dən
Bakupost.az -a verilən məlumata görə, iyulun 1-də saat 23 radələrində Göygöl rayonunun Mollacəlilli kəndi ərazisində Samux rayon sakini Orxan Hümbətovun idarə etdiyi “VAZ-2107” markalı avtomobillə Bakı şəhər sakini N.Bayramovun idarə etdiyi “DAF” markalı yük avtomobili toqquşub.
Nəticədə O.Hümbətov və 4 sərnişini hadisə yerində, 1 sərnişini isə xəstəxanada ölüb.
Baş İstintaq və Təhqiqat İdarəsi tərəfindən araşdırma aparılır.
***
09:45
Göygöldə ağır yol-nəqliyyat hadisəsi baş verib.
Bakupost.az xəbər verir ki, hadisə Bakı-Qazax magistral yolunun rayon ərazisindən keçən hissəsində qeydə alınıb.
Hərəkətdə olan yük avtomobili ilə VAZ-2107 markalı avtomobil toqquşub.
Hadisə nəticəsində 6 nəfər - Samux rayonu, Sərkər kənd sakinləri Orxan Hümbətov, onun həyat yoldaşı Sona Hümbətova və onların iki yaşlı övladları İbrahim Hümbətov dünyasını dəyişib.
Bundan başqa, Goranboy rayon sakini, 2001-ci il təvəllüdlü Elsəvər Rövşən oğlu Şahməmmədov, 2009-cu il təvəllüdlü Aylin Vüsal qızı Yusibova da yol qəzasında həlak olublar.
Digər bir nəfərin adı hələlik məlum deyil.