Roma Papası Fransisk bir neçə il öncə III Dünya müharibəsinin yaşayacağı barədə ağlına fikir gəldiyini etiraf edib.
Bakupost.az xəbər verir ki, o, artıq dünya müharibəsinin başladığını bildirib:
“Bir neçə il öncə beynimə belə bir fikir gəldi. Hətta demək istədim ki, biz III Dünya müharibəsini hissə-hissə yaşayacağıq. Bu gün hesab edirəm ki, artıq III Dünya müharibəsi elan olunub”, - deyə İsa Cəmiyyəti dərgisinə müsahibəsində Papa qeyd edib.
“Bu bizi düşünməyə vadar edir. Bəşərlə nə baş verir?! Biz 100 ilin içində 3 dünya müharibəsi gördük. Bu insanlıq üçün faciədir. Dünya təkcə Ukraynada deyil, bir çox ölkələrdə, nöqtələrdə müharibə vəziyyətindədir. Elə müharibə ocaqları var ki, heç kim onunla maraqlanmır”, - Fransisk deyib.
Aygün Musayeva
BakuPost