11:58 / 24 Noyabr 2023

İlham Qəhrəmanın yaradıcılıq gecəsi keçirildi - FOTO

12777

Abşeron-Xızı Regional Mədəniyyət İdarəsinə tabeliyində fəaliyyət göstərən Abşeron rayon Mərkəzi Kitabxanasında çağdaş şeirimizin sayılıb-seçilən nümayəndələrindən biri olan, lirik şair kimi tanınan, bir çox kitabların müəllifi, şair publisist İlham Qəhrəmanın yaradıcılıq gecəsi keçirilib.

Bakupost.az xəbər verir ki, əvvəlcə Azərbaycan Respublikasının dövlət himni səsləndirilib, şəhidlərimizin ruhu bir dəqiqəlik sükutla yad edilib.

Tədbiri açıq elan edən MKS-nin direktoru Rəşidə Rzayeva tədbir iştirakçılarını salamlayıb.

Tədbirin davamında Bəydadaş Cəfərli, Güney Azərbaycandan gələn soydaşımız Yaqub Usuli, Pedaqogika üzrə fəlsəfə doktoru Mehriban Abdullayeva, Qərbi Azərbaycandan olan şair Elmira Dərələyəzli, şairələr Xuraman Camal, Bənövşə Daşdılı, MKS-nin xidmət şöbəsinin müdiri Xatirə Zeynalova və MKS-nin baş metodisti Pərvanə Muradova şairin yaradıcılığından danışıb, şeirlərindən söyləyib, İlham Qəhrəmana yaradıcılıq uğurları arzulayıblar.

Sonda xatirə şəkilləri çəkilib.