12:43 / 24 Mart 2023

Kamran Həsənli telekanalları yerdən yerə vurdu - VİDEO

3780

Teleaparıcı Kamran Həsənli Novruz şənliklərini peşəkar səviyyədə hazırlaya bilmədikləri üçün telekanalları tənqid edib.

Bakupost.az xəbər verir ki, o, bayram proqramlarının bayağı və maraqsız olduğunu bildirib.

"Əgər irəli gedə bilmirsizsə, heç olmasa geriyə - 1967-ci ildə keçirilən Novruz şənliyimizə baxıb ordan örnək götürün. Orda milli ruh vardı. Aparıcıların səs tembrləri, gözəl diksiyaları, intonasiyaları insanı valeh edirdi. Milli adətləri yaşadırdılar. 80-cı illərdə də necə gözəl Novruz bayramları keçirildi. Bahar Qız at belində gəlirdi, Qız Qalasının başında 3 məşəl yanırdı və s".

K.Həsənli qeyd edib ki, məhz peşəkarlığın aşağı olması səbəbindən heç kim yerli telekanallara baxmaq istəmir:

"Bu xalq fəxrlə deyir ki, mən öz telekanallarımıza baxmıram. Bunu hansısa ingilisin, fransızın yanında desən, deyər ki, bəs hansı telekanallara baxırsan? Bu xalq necə baxsın axı bu televiziyaya? Biz öz televiziyamızdan utanırıq. O qədər zövqsüz, televiziyadan uzaq, qeyri-intellektual, bilgisiz insanlar yığışıb ki, telekanallara... Belə televiziya olmaz".

Əfsanə,

BakuPost

Şərhlər