"O Tiktokerlər cəzalandırılmalıdır" - Sosioloq

“Mən özüm də TikTok istifadəçisiyəm, orda faydalı məlumatları əldə edirəm. Amma elə adamlar da var ki, Tiktok-da əxlaqsız hərəkətlər edir, ədəbsiz ifadələr işlədir. Mən həmişə belə bir modeli təklif edirəm. Düşünün ki, şəhərə qrip düşüb, sən uşaqları qoruyursan ki, xəstəliyə yoluxmasın. Amma bir də var ki, sən uşağın immunitetini qaldırırsan ki, xəstəlik ona yoluxmasın. Mən bu ikinci modelin tərəfdarıyam. Biz elə etməliyik ki, yeni sosial şəbəkələrin mahiyyəti aydın olsun. TikTok və digər sosial şəbəkələr də ictimai yerdir. Biz bilirik ki, insan özünü ictimai yerdə apara bilməyəndə məsuliyyətə cəlb edilir və cəzalandırılır".

"Burda özbaşınalıq, nə gəldi deyə və azyaşlı uşağı istismar edə bilməzsən. Ona görə də düşünürəm ki, bir tərəfdən güclü maariflənmə getməlidir, digər tərəfdən isə hüquq-mühafizə orqanları bu adamlara qarşı tədbirlər görməlidir. İctimai yerlərdə davranış formaları var və bunu pozan adamlar da təbii ki, cəzalandırılmalıdır".

Qeyd edək ki, hüquq-mühafizə orqanları tərəfindən sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar edən şəxslərlə bağlı polis əməkdaşları tərəfindən qanunamüvafiq tədbirlər davam etdirilir.