Ru
11:34 / 11 May 2022

Ötən il 18,5 min nəfərə əlillik təyin edilib

995

Keçən il dövlət tibb müəssisələrinin rəsmiləşdirdiyi göndərişlər əsasında 18,5 min nəfərə ilkin əlillik təyinatı aparılıb ki, bu da keçən ilin müvafiq dövrü ilə müqayisədə 1,3 dəfə çoxdur.



Bakupost.az xəbər verir ki, bu, Əmək və Əhalinin Sosial Müdafiəsi Nazirliyinin 2021-ci il üzrə hesabatında əksini tapıb.


Qeyd olunub ki, onlardan I dərəcə ilkin əlillik müəyyən olunmuş şəxslərin sayı 1,6 min nəfər, II dərəcə ilkin əlillik müəyyən olunmuş şəxslərin sayı 7,1 min nəfər, III dərəcə ilkin əlillik müəyyən olunmuş şəxslərin sayı isə 5,3 min nəfər olub. Bu da keçən ilin müvafiq dövrü ilə müqayisədə müvafiq olaraq I dərəcə üzrə 15 faiz azdır, II dərəcə üzrə 22 faiz çoxdur, III dərəcə üzrə isə 43 faiz çoxdur.


Eyni zamanda, onlardan 4,5 min nəfəri ilkin sağlamlıq imkanları məhdud uşaqlardır ki, bu da keçən ilin müvafiq dövrü ilə müqayisədə 14 faiz çoxdur. Hesabat dövründə dövlət tibb müəssisələri tərəfindən rəsmiləşdirilmiş göndərişlər əsasında 43,4 min nəfər üzrə təkrar əlillik təyinatı aparılıb ki, bu da keçən ilin müvafiq dövrü ilə müqayisədə 3,3 dəfə çoxdur.

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin
Şərhlər
Son xəbərlər
Çox oxunanlar
Son xəbərlər